Qadinlarin imtina edə bilmədiyi
Digərləri 11 Avq 2018 22:35:00 292 0
Qadınlar hədiyyə mövzusunda çox həssasdırar və sadəcə xüsusi günlərdə deyil, hər zaman hədiyyə almağı sevirlər. Ancaq kişilər üçün biz qadınlara hədiyyə seçmək əslində çox məşəqqətli bir prosesdir. Çünki bir çox kişilərə görə qadınların zövqü daha yüksəkdir. Hətta elə hədiyyələrimiz olub ki, xoşumuza gəlməsə belə, qarşımızdakının xətrinə dəyməmək üçün bunu bildirməmişik və özümüzü bəyənmiş kimi göstərmişik. Ancaq bu o demək deyil ki, mükəmməl hədiyyələr təşkil edənlər yoxdur. Təbii ki, var. İndi isə hədiyyə axtaran kişilərə kiçik bir kömək etmək fikrindəyik. Qadınların çox böyük əksəriyyəti aşağıdakı bu 10 hədiyyəyə "yox" deməz.
İstirahət üçün təyyarə biletləri
Son.az gencaile.az-a istinadən bildirir ki, həyat yoldaşınızı gözləmədiyi bir anda istirahətə getmək üçün bilet alaraq çaşdıra və sevindirə bilərsiniz. Ölkə xaricində və ya ölkədaxili istirahət mərkəzlərinin birində bir neçə gün istirahət etməyə əsla yox deməyəcək.
Bəzək əşyaları
Qadınların çoxu bəzək əşyalarını sevir. Çünki qadınlar üçün xarici görünüş hər zaman önəmlidir. Hər zaman, hər yerdə gözəl və mükəmməl görünmək istəyirlər. Bunu isə bəzək əşyaları tamamlayar. Ona görə də xanımınızın zövqünə uyğun olan bəzək əşyası alıb ona sürpriz edə bilərsiniz.
Çiçəklər
Qadınlar hər zaman çiçəkləri sevirlər. İstər buket olsun, istərsə də ev bitkiləri olsun, əgər həyat yoldaşınızın hansı gülü sevdiyini bilirsinizsə, demək, işiniz daha asandır. Sizə düşən sadəcə bir dəstə ətirli gül almaqdır.
Mükəmməl ayaqqabı
Ayaqqabı hər qadın üçün önəmlidir. Bir çox qadınlar hər paltara bir cüt ayaqqabı uyğunlaşdırmağı sevir. Bu işdə ona sürpriz edərək kömək edə bilərsiniz. Amma diqqətli olun ki, ayaq ölçüsünü düzgün götürün.
Yumşaq oyuncaqlar
Yumşaq oyuncaqlar adətən gənc xanımların çox sevdiyi hədiyyədir. Əgər xanımınıza şirin bir hədiyyə təşkil etmək istəyirsinizsə, o zaman ona yumşaq oyuncaqlardan alın və əmin olun ki, bu, onun çox xoşuna gələcək.