Tamaşaçı: Milli Gimnastika Arenasının zalı gözəldir
Digərləri 11 Avq 2018 14:46:00 270 0
Milli Gimnastika Arenasında hər keçirilən yarış yüksək zövq verir, burada tamaşaçılar şən olur, zal isə gözəldir.
Bakı. Cani Babayeva -
Milli Gimnastika Arenasında hər keçirilən yarış yüksək zövq verir, burada tamaşaçılar şən olur, zal isə gözəldir.
Bunu Trend-ə bədii gimnastika üzrə 25-ci Azərbaycan çempionatı və Bakı birinciliyinin tamaşaçısı Tatyana Həsənova deyib.
"Mənim nəvəm artıq 4-cü ildir ki, bədii gimnastika ilə məşğul olur, biz bütün yarışlara baxmağa gəlirik. Həyəcan keçirdirik və yarışan idmançılara dəstək oluruq. Azərbaycanlı gimnastlara həmişə yüksək nəticələr arzulayıram" - tamaşaçı belə deyib.
Tatyana Həsənovanın sözlərinə görə, nəvəsi Türkiyə, Macarıstan, Polşada keçirilən yarışlara qatılıb, lakin ona Milli Gimnastika Arenasında yarışmaq xüsusi zövq verir:
"Hərdən o yaxşı çıxış edə bilmir, lakin Milli Gimnastika Arenasında keçirilən yarışlarda onda sanki ikinci nəfəs açılır".
Mənbə: az.trend.az