Son.az ARB TV-yə istinadən xəbər verir ki, qanuna görə bu cür hərəkətlər dövlət əmlakına ziyan vurmaq və xuliqanlıqdır.

Bu görüntüləri Yasamal rayonu Abbas Mirzə Şərifzadə küçəsində, ARB TV-nin təhlükəsizlik kameraları çəkib. Qrupdan ayrılan şəxslərdən biri heç bir səbəb olmadan elektrik dirəyinin aksesuarını anlaşılmaz şəkildə qırır. Bundan qürrələnir və heçnə olmamış kimi yolluna davam edir. Hələlik bu şəxsin kimliyi məlum deyil.

Bəzi yerlərdə quraşdırılan işıq lampaları çıxarılır və ya məhv olunur. İndi orada yalnız infrastrukturun izləri qalıb. Ən çox ziyan vurulan dövlət əmlaklarından biri də dayanacaqlardır. Dayanacaq ücün yer ayrılır və tikilir. Lakin, bir müddət sonra şüşələri sındırılaraq yoxa cıxarılır.

Belə dayanacaqlara şəhərdə addımbaşı rast gəlmək olar. Bu infrastrukturun qurulmasına dövlət milyonlarla pul xərcləyib. Sabiq polis rəisi Mahmud Hacıyev deyir ki, cinayət tərkibli əməllər ehtiyyatsızlıq və ya qəsdən törədilir. Dövlət mülkiyyətinə ehtiyyatzıslıqdan ziyan dəyərsə məhkəmənin qərarı ilə dəyən zərəri vətəndaş ödəyir. Bu qəsdən törədildikdə isə cinayət tərkibi daşıyır.