Goal.az xəbər verir ki, Salonikidə keçirilən oyunda yunan azarkeşlər rusiyalı jurnalistləri qarət edib və döyüblər. Qarət hadisəsi oyundan əvvəl olub. Oyun başlayan zaman isə azarkeşlər mətbuat lojasına hücum ediblər. Fanatlar jurnalistlərdən birinə bir neçə zərbə vurublar.

Rusiyalı jurnalistlər bildiriblər ki, hadisə stadionun stüardlarının gözü qarşısında baş verib. Təhlükəsizliyə cavabdeh şəxslər, demək olar ki, seyrçi mövqe tutublar.

Qarşılaşma PAOK-un 3:2 hesablı qələbəsi ilə yekunlaşıb.