Bakı. “Bakı Beynəlxalq Dəniz Ticarət Limanı” QSC yeni Bakı Limanına köçmə ilə əlaqədar Quru Yük Terminalında mövcud olan Almaniya Demokratik Respublikasında “VEB Kranbau Eberswalde” zavodu tərəfindən layihələndirilmiş və quraşdırılmış РК-25 “Albatros”, РК-31 “Albatros”, РК-32 “Albatros” və РК-29 “Kondor” portal kranların sökülməsi işlərinin satınalınması ilə bağlı açıq müsabiqə elan edir. Müsabiqədə iştirak etmək üçün tələb olunan sənədlər (açıq müsabiqə şərtləri) (qiymət təklifi istisna olmaqla) 14 avqust 2018-ci il saat 17.00-dək, qiymət təklifi isə möhürlənmiş ikiqat zərfdə 16 avqust 2018-ci il saat 17.00-dək “Bakı Beynəlxalq Dəniz Ticarət Limanı” QSC-yə (ünvan: Bakı şəhəri, Ü.Hacıbəyov küçəsi, 72) təqdim edilməlidir. Göstərilən vaxtdan gec təqdim olunmuş zərflər açılmadan geri qaytarılacaq. Zərflərin açılışı 17 avqust 2018-ci il saat 15.00-da yuxarıda qeyd olunan ünvanda həyata keçiriləcək.