Xəzəryanı ölkələrin XİN başçıları avqustun 11-də Aktauda görüşəcək
Siyasət 06 Avq 2018 17:21:01 355 0
"Xəzər beşliyi"nin xarici işlər nazirlərinin müavinləri avqustun 10-da xüsusi işçi qrupu çərçivəsində bir araya gələcəklər
"Report" "İnterfaks"a istinadən xəbər verir ki, bu barədə Qazaxıstan hökumətinin məlumatında deyilir.
Məlumatda bildirilir ki, tərəflərin əldə etdiyi razılığa əsasən, xarici işlər nazirlərinin müavinləri səviyyəsində Xəzər dənizinin hüquqi statusu haqqında Konvensiyanın hazırlanması üzrə xüsusi işçi qrupunun 52-ci iclasının avqustun 10-da Aktauda keçirilməsi planlaşdırılır.
Qeyd edək ki, avqustun 12-də Aktauda Xəzəryanı ölkələrin dövlət başçılarının V sammiti keçiriləcək. Sammitdə Azərbaycan, İran, Qazaxıstan, Rusiya və Türkmənistan prezidentlərininiştirakı gözlənilir. Görüş çərçivəsində Xəzər dənizinin hüquqi statusu, iqtisadiyyat, nəqliyyat, ekologiya və təhlükəsizlik sahəsində Xəzər dənizində əməkdaşlıq məsələləri müzakirə ediləcək. Sammitdə 20 ildən çoxdur üzərində iş aparılan Xəzər dənizinin hüquqi statusu haqqında Konvensiyanın imzalanacağı gözlənilir.