Çində "Hainan Airlines" aviaşirkətinin sərnişini təyyarənin təcili eniş etməsindən sonra uçmağını gözləməkdən yorulub və qəza çıxışından onu tərk etməyə çalışıb.

Son.az report.az-a istinadən bildirir ki, hadisə barədə yerli "Weibo" sosial şəbəkəsində məlumat yayılıb.

"HU7056" saylı reysi yerinə yetirən təyyarə hava şəraiti ilə əlaqədar olaraq Sıçıuan əyalətinin Çendu şəhərinə eniş etmək məcburiyyətində qalıb. Hadisə gecə saat 2-də baş verib. Dörd saatdan sonra hava gəmisi hələ də Çendu aeroportunun uçuş-eniş zolağında qalıb, sərnişinlər isə nə qədər gözləyəcəklərini bilməyiblər.