Azərbaycan Beynəlxalq Bankı VİSA kart sahibləri üçün yeni stimullaşdırıcı lotereyaya start verdi
Digərləri 03 Avq 2018 11:16:00 300 0
Azərbaycan Beynəlxalq Bankının müştəriləri üçün xoş sürpriz həyəcanı davam edir. Bank yeni stimullaşdırıcı lotereya kampaniyasına başlayıb.
İştirak şərtləri belədir:
- Kampaniya müddətində Azərbaycan Beynəlxalq Bankının VİSA plastik kartları ilə xarici ölkələrdəki POS-terminallarda ən azı 100 manatlıq ödəniş etmiş müştərilər, eləcə də xarici ölkələrə məxsus internet səhifələrində ən azı 100 manatlıq ödəniş etmiş müştərilər hər 100 manatlıq ödənişə görə 1 uduş şansı qazanacaqlar.
Məsələn, əgər müştəri bankın VİSA plastik kartı ilə bu qaydada 430 manatlıq ödəniş etmişsə, onun lotereyada 4 uduş şansı olacaq. 100 manatdan daha az olan əməliyyat məbləğləri üst-üstə toplanmır və bir dəfəyə ödənişi 100 manata çatmayan müştərilər kampaniyada iştirak etmir. Eyni bir iştirakçı kampaniyada iştirak imkanlarından istifadə edərək uduş şanslarını istənilən sayda artıra bilər.