“Satmaq niyyətim olmayıb” Evində narkotik gizlədən gənc VİDEO FOTO


Digərləri 31 İyl 2018 16:10:00 267 0

“Satmaq niyyətim olmayıb”  Evində narkotik gizlədən gənc  VİDEO  FOTO

Gəncədə narkotik vasitələrin qanunsuz dövriyyəsini həyata keçirən 27 yaşlı gəncin mənzilindən külli miqdarda marixuana və psixotrop maddə aşkar olunub.

Son.az ARB TV-yə istinadla xəbər verir ki, Kəpəz Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Gəncə şəhər sakini 27 yaşlı Etibar Musayev saxlanılıb. 

Onun üzərinə baxış zamanı psoxotrop tərkibli həblər və maye halında olan tramadol maddəsi aşkar edilib. Əməliyyatçılar saxlanılan şəxsin kirayə qaldığı Dədə Qorqud küçəsi bina 48a, mənzil 21 ünvanına da baxış keçiriblər. Oradan 815 qram qurudulmuş marixuana, psixotrop maddələr olan 660 ədəd tramadol həbi, 50 ədəd "Lirika" və toz halına salınan müxtəlif həblər aşkar olunaraq götürülüb. Etibar Musayevin ətrafında aparılan əməliyyat-axtarış tədbirləri ilə onun əldə etdiyi marixuananı tanışı 26 yaşlı Famil Məhərrəmovdan aldığı müəyyən edilib. 

Füzuli Şıxıyev - Kəpəz RPİ-nin bölmə rəisi: "Kəpəz rayon polis idarəsinin əməkdaşları tərəfindən Məhərrəmov Famil Faiq oğlunun yaşadığı ünvana onunu qaynanası Əliyeva Nailə Aydız qızının iştiakı ilə baxış keçirilmiş və evdən 4 ədəd 1 bükümdə 380 qram, 1 bükümdə 165 qram, 1 bükümdə 115 qram, 1 bükümdə isə 185 qram olmaqla cəmi 845 qram çəkidə olan narkotik vasitə sayılan qurudulmuş marixuana aşkar olunaraq götürülüb".

Hazırda Famil Məhərrəmovun tutularaq istintaqa cəlb olunması istiqamətində əməliyyat tədbirləri davam etdirilir. Saxlanılan Etibar Musayevə gəlincə, o, ifadəsində əldə etdiyi narkotiki şəxsi istifadəsi üçün saxladığını iddia edib.


Xəbərə aid fotolar