2016-cı ildə Polşanın Novı Tomısl şəhərində keçirilən yeniyetmələrin Avropa birinciliyinin qalibi olan Füqan Əliyev yaşı 17-yə qədər olan oğlanların mübarizəsində 3-cü yeri tutub. Belə ki, 69 kq çəki dərəcəsində qüvvəsini sınayan atletimiz birdən qaldırma hərəkətində 120 kq çəkinin öhdəsindən gəlib və bu hərəkətdə 4-cü yeri tutub. Təkanla qaldırma hərəkətində daha yaxşı çıxış edən Əliyev, 151 kq-ı ram edərək bu hərəkətdə Avropa 3-cüsü ola bilib. Toplam 271 kq (120+151) nəticə göstərən Füqan, yekun sıralamada da Avropa çempionatını 3-cü pillədə başa vurub.