Aqolli: "Futbolda hər şey son dəqiqəyə qədər açıqdır"
İdman 26 İyl 2018 10:28:00 224 0
"Təcrübəm və uzun illər futbolda olmağıma baxmayaraq duyğularım var idi. Lakin Albaniya komandasına qarşı ilk dəfə oynadığım hiss olunurdu." Goal.az xəbər verir ki, bunu "Qarabağ"ın futbolçusu Ansi Aqolli Çempionlar Liqasının II təsnifat mərhələsinin ilk oyununda Albaniya "Kukesi"si ilə heç-heçə etdikləri oyundan danışarkən deyib.
36 yaşlı albaniyalı müdafiəçi rəqibin ildən-ilə böyüyən bir klub olduğunu vurğulayıb: "Kukesi" yaxşı komandadır. Biz bir neçə il əvvəl Avropaya getdik və bunun çətin olduğunu düşündük. Proqnoz düzgün oldu. Çətin oyun olacağını gözləyirdik. Bu gündən etibarən növbəti 90 dəqiqəni daha çox düşünmək məcburiyyətindəyik. Növbəti matça diqqət yetirəcəyik. Futbolda hər şey son dəqiqəyə qədər açıqdır. Təcrübə bunu göstərir".
Qeyd edək ki, avqustun 1-də Tofiq Bəhramov adına Respublika stadionunda keçiriləcək cavab görüşü saat 21:00-da başlanacaq.
Mənbə: goal.az