Bakıda yeni yolunun tikintisi layihəsi altına düşən torpaq sahələri dövlət tərəfindən alınacaq
Digərləri 24 İyl 2018 09:30:00 232 0
Bakıda yeni avtomobil yolunun tikintisi layihəsi altına düşən torpaq sahələri dövlət tərəfindən alınacaq.
Bakı. İlhamə İsabalayeva-
Bakıda Ziya Bünyadov prospekti ilə Balaxanı-Binəqədi avtomobil yolunu birləşdirən ümumşəhər əhəmiyyətli yeni avtomobil yolunun tikintisi məqsədilə həmin avtomobil yolunun layihəsi altına düşən torpaq sahələri dövlət tərəfindən alınacaq.
Trend-in məlumatına görə, bununla əlaqədar Baş nazir Novruz Məmmədov qərar verib.
Qərara əsasən, “Bakı şəhəri ərazisində yeni avtomobil yolunun tikintisi ilə bağlı tədbirlər haqqında” Azərbaycan Prezidentinin 2018-ci il 15 may tarixli 82 nömrəli sərəncamına əsasən, Bakı şəhəri ərazisində Ziya Bünyadov prospekti ilə Balaxanı-Binəqədi avtomobil yolunu birləşdirən ümumşəhər əhəmiyyətli yeni avtomobil yolunun tikintisi məqsədilə Azərbaycanın 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsait çərçivəsində həmin avtomobil yolunun layihəsi altına düşən torpaq sahələrinin alınması həyata keçirilsin.
Mənbə: az.trend.az