Goranboyda piyadanı vuran tutuldu
Digərləri 24 İyl 2018 08:13:00 261 0
Goranboy rayonunun Xanqərvənd kəndi ərazisində yol-nəqliyyat hadisəsi baş verib.
Son.az Trend-ə istinadən bildirir ki, iyulun 20-də saat 21 radələrində Goranboy rayonunun Xanqərvənd kəndi ərazisində müəyyən edilməmiş avtomobillə yolu keçən kənd sakini Ziyəddin Rüstəmov vurulub və xəstəxanaya aparılarkən yolda ölüb.
Goranboy RPŞ əməkdaşlarının keçirdikləri əməliyyat-axtarış tədbirləri nəticəsində yol qəzasını törədərək hadisə yerindən yayınmaqda şübhəli bilinən "VAZ-21103" markalı avtomobilin sürücüsü, Mingəçevir şəhər sakini Kamal Məmmədov saxlanılıb.
Mənbə: milli.az