Bəli baxmayaraq ki, peyğəmbərlərin vəzifəsi çox ağır və əziyyətlidir, onların vəzifəsi yalnız ilahi əmrləri çatdırmaqdır. Bu yolda bütün peyğəmbərlər öz vəzifələrini layiqincə yernə yetirmiş, heç biri öz vəzifəsində, həyatının müxtəlif sahələrində  heç bir səhvə və xoşa gəlməz amillərə yol verməmişlər. Elə bu səbəbdən də onlara seçilmiş insanlar deyilir. Çünki onları Allah seçib və Allah paklayıb. Bu baxımdan bütün peyğəmbərlər arasında heç bir fərq yoxdur və hamısının ehtiramı vacibdir.

Son.az islaminsesi.info-ya istinadən bildirir ki, Qurani Kərimdə Allah Təala Öz elçilərinin göndərilməsini bir çox səbəblərlə qeyd edib. Məsələn qorxudan, müjdə verən, öyrədən, xatırladan, paklayan, günahlardan təmizləyən (onlar üçün əfv diləyən), rəhbər, başçı, hakim və sair. Bütün bunlar arasında ən çox qeyd olunan qorxudan və müjdə verən ifadələridir. İlkin baxışda bu kəlimələr zidd görünə bilir. Lakin diqqət etdikdə məsələnin mahiyyətini anlamaq olur.

Həmçinin təfsir və hədislərə əsasən:

Müjdə verən mənası insanlara xoş aqibət vəd edən mənasındadır. İstər dünyada olsun, istər axirətdə olsun Allah Təala yaxşı əməl sahiblərini və iman gətirənləri böyük mükafatla müjdələyir. Onlara dünyada izzət, axirətdə isə əbədi cənnət vəd edir.