Bakıda tuneldə şampan partladanlar həbs olundu (ÖZƏL)


Digərləri 18 İyl 2018 15:59:00 266 0

Bakıda tuneldə şampan partladanlar həbs olundu (ÖZƏL)

Bakıda tuneldə avtomobillərini saxlayaraq şampan partladan və digər hərəkət iştirakçılarına mane törədən gənclər həbs olunub.

Bakı. Elçin Mehdiyev – Bakıda tuneldə avtomobillərini saxlayaraq şampan partladan və digər hərəkət iştirakçılarına mane törədən gənclər həbs olunub. Bu barədə özəl olaraq Trend-ə Daxili İşlər Nazirliyinin Bakı şəhər Baş Dövlət Yol Polisi İdarəsinin bölmə rəisi, polis polkovniki Vaqif Əsədov deyib. V.Əsədov bildirib ki, araşdırmalar nəticəsində məlum olub ki, hadisə iyulun 8-də baş verib, toy karvanında iştirak edən bir qrup şəxs bu cür hərəkətə yol verib: “Hadisə ilə bağlı yeddi nəqliyyat vasitəsi aşkarlanıb, dörd nəfər 20 sutka və bir il sürücülük hüququndan məhrumetmə cəzası alıb, üç nəfər barəsində isə hazırda Nərimanov rayon məhkəməsi tərəfindən qərarın qəbul edilməsi üçün proses gedir”.