Son.az xezerxeber.az-a istinadən bildirir ki, bunu jurnalistlərə açıqlamasında İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib.

Vüsal Qasımlı strateji yol xəritələrinin icra vəziyyəti haqqında da məlumat verib. İlk olaraq milli iqtisadiyyat perspektivi üzrə strateji yol xəritəsinin icra vəziytyətinin monitorinqi aparılıb. Nəticələr yol xəritəsindəki vəzifələrin yüksək səviyyədə icra olunduğunu göstərir.

Strateji yol xəritəsində dövlət qurumları qarşısında müxtəlif hədəflər qoyulub. Aparılan monitorinqlər onu göstərir ki, özəlləşdirmə və dövlət mülkiyyətində olan müəssisəsələrlə bağlı tapşırıq 71 faiz, biznes mühitinin inkişaf etdirilməsi üzrə hədəflər 94 faiz tam icra edilib. Yerdə qalan hissələr isə qismən həll edilib. İnsan kapitalının inkişaf etdirilməsi məsələlərinin icrası ən yüksək səviyyədə olub.