27 il öncə Alp dağlarındakı buz qatının içərisində mumyalanmış halda tapılan və Ötzi adı verilən kişi cəsədinin mədəsini açan alimlər, son yeməyinin nə olduğunu öyrəniblər. Son.az haberler-ə istinadən xəbər verir ki, 1991-ci ilin 9 sentyabr tarixində iki almaniyalı turist tərəfindən Avstriya-İtaliya sərhədində Alp dağlarının 3210 metr yüksəkliyində aşkar edilən, sərt hava şəraiti ilə bağlı uzun illər cəsədi deformasiyaya məruz qalmayan "buz adam" - Ötzinin üzərindəki analizlər davam edir. Alimlər bu dəfə Ötzinin mədəsini açıblar.