Çempionlar Liqasında I təsnifat mərhələsinin cavab oyunları start götürür
İdman 17 İyl 2018 11:13:00 287 0
Bu gün Çempionlar Liqasında I təsnifat mərhələsinin cavab oyunları start götürəcək. Goal.az xəbər verir ki, ilk oyun günündə 10 qarşılaşma baş tutacaq.
Azərbaycan çempionu Qarabağ-ın potensial rəqibləri Valletta və Kukesi üz-üzə gələcəklər. Bu komandalar arasında baş tutan ilk qarşılaşma qolsuz bərabərliklə yekunlaşıb.
Bu gün həmçinin Qarabağ - Olimpija cütündə məğlub olacaq komandanın da Avropa Liqasının II təsnifat mərhələsindəki rəqibi bəlli olacaq. İlk oyunda Şimali İrlandiya Crusaders-ini 7:0 hesabı ilə darmadağın edən Bolqarıstanın Ludogorets komandası, böyük ehtimalla, Çempionlar Liqasında növbəti mərhələyə vəqisə qazanacaq. "Kruzaders” isə möcüzə baş verməsə, Avropa Liqasının II təsnifat mərhələsində çıxış edəcək.
İlk matçda rəqibini 1:0 hesabı ilə məğlub edən Qarabağ iyulun 19-da Çempionlar Liqasının I təsnifat mərhələsinin cavab matçında Sloveniya Olimpija-sı ilə üz-üzə gələcək. Tofiq Bəhramov adına Respublika stadionunda keçiriləcək matç saat 21:00-da başlanacaq.
Çempionlar Liqası
I təsnifat mərhələsi, cavab oyunları
17 iyul
20:00. "Valletta” (Malta) - "Kukesi” (Albaniya)
İlk oyun - 0:0
20:00. HİK (Helsinki, Finlandiya) - "Vikinqur” (Farer Adaları)
İlk oyun – 2:1
21:00. "Hapoel” (Beer-Şeva, İsrail) - "Flora” (Tallin, Estoniya)
İlk oyun – 4:1
21:00. "Malmö” (İsveç) - "Drita” (Kosovo)
Ilk oyun – 3:0
21:00. APOEL (Kipr) - "Suduva” (Litva)
İlk oyun - 1:3
22:00. TNS (Uels) - "Şkendiya” (Makedoniya)
İlk oyun – 0:5
22:15. "Videoton” (Macarıstan) - "Düdelanj” (Lüksemburq)
İlk oyun – 1:1
22:30. "Srvena Zvezda” (Serbiya) - "Spartak” (Latviya)
İlk oyun - 0:0
23:00. "Legiya” (Varşava, Polşa) - "Kork Siti” (İrlandiya)
İlk oyun – 1:0
23:00. "Crusaders” (Şimali İrlandiya) - "Ludogorets” (Bolqarıstan)
İlk oyun - 0:7