Mübariz Qurbanlı: "Gəncədəki hadisələr terror aktı, bunu törədənlər isə din adı altında gizlənmiş radikal qruplardır"
Digərləri 16 İyl 2018 11:43:00 291 0
Gəncədə törədilmiş terror aktı ilə əlaqədar istintaq davam etdirilir.
Son.az Trend-ə istinadən xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
O qeyd edib ki, Gəncədə törədilən hadisələr terror aktı idi, bunu törədənlər isə din adı altında gizlənmiş radikal qruplardır:
"Onların din adı altında gizlənməsinin də səbəbi odur ki, din həssas mövzudur. Araşdıranda məlum olur ki, həmin insanlar dinə o qədər də bağlı deyillər və xarici qruplar tərəfindən ələ alınaraq istifadə olunurlar".
Komitə sədri bildirib ki, bu hadisələrin arxasında hansı dairələrin dayandığı araşdırılır: "İlkin məlumatlar onu göstərir ki, bu qrupların izləri xaricdə olan bəzi qruplara gedib çıxır".
Mənbə: milli.az