İlk baxışdan liftin nasazlığını necə təyin etməli? –
Digərləri 14 İyl 2018 18:32:00 233 0
Son zamanlar Bakıda bir neçə lift qəzası baş verib. Dünən baş verən qəza da bunlardan biridir. Belə ki, iyulun 13-də paytaxtın Məhəmməd Hadi ("Həzi Aslanov" metro stansiyası) küçəsində yerləşən hündürmərtəbəli yaşayış binalarının birində liftin burazı qırılıb. Nəticədə içində 5 uşaq olan liftin kabinası 14-cü mərtəbədən aşağı düşüb.
Son.az oxu.az-a istinadən bildirir ki, bununla bağlı liftlərin istismarı ilə bağlı mütəxxəsis Amid Ağayev sualları cavablayıb:
- Liftin qüsurlu olduğunu necə anlamaq olar?
Mütəxxəsisin fikrincə, bunu aşkar etməyin bir neçə əlaməti var:
- qapılar bağlanmır;
- lift kabinasının döşəməsinin səviyyəsi blokun döşəməsindən 35 millimetr fərqlənərsə;
- küt səslər eşidildikdə;
- hərəkət zamanı təkanlar hiss edildikdə və kabinanın mərtəbədən sürüşməsi müşahidə olunarsa.
Burada sadalananlardan biri varsa, deməli liftin istifadəsində təhlükə yaranıb.
Mənbə: milli.az