Dünya çempionatında Fransa və Xorvatiya yığmaları arasında keçiriləcək final matçına hakim təyinatları açıqlanıb. Goal.az xəbər verir ki, görüş argentinalı Nestor Pitanaya həvalə olunub. Ona həmyerliləri Ernan Maydana və Xuan Belatti yan xətt, hollandiyalı Byorn Kuypers dördüncü hakim qismində kömək edəcək. İyulun 15-də Moskvadakı "Lujniki" stadionunda təşkil olunacaq qarşılaşma Bakı vaxtı ilə saat 20:00-da başlanacaq.