Rayonun Peyk kənd sakini Abdulla Cəbrayılov Rayon Polis Şöbəsinə ərizə ilə müraciət edərək onun həyatyanı sahəsində heyvan saxlanılan tiklidən 2 baş iribuynuzlu heyvanının oğurlandığını bildirib.

Son.az xezerxeber.az-a istinadən bildirir ki, Rayon Polis Şöbəsinin keçirdiyi əməliyyat-axtarış tədbirləri nəticəsində rayonun Birinci Varlı kənd sakinləri Rəşad Rəşidov, Ramil Rzayev və onun qardaşi Famil Rzayev şübhəli şəxs qismində saxlanılaraq şöbəyə gətirilib.

İlkin dindirilmə zamanı məlum olub ki, onlar qabaqcadan əlbir olub qrup təşkil edərək axşam saatlarinda Abdulla Cəbrayilovun heyvanları saxladığı fermaya gələrək dəmir parcası ilə qapının qıfilla baglanmiş zəncirini qiraraq tövləyə daxil olublar və oradan 2 baş iribuynuzlu heyvanı oğurlayıblar.