Barcelona bu yay növbəti transferini rəsmiləşdirib. Goal.az klubun rəsmi saytına istinadən xəbər verir ki, katalonlar Sevilla-nın müdafiəçisi Kleman Lanqleni heyətə qatıb. Fransız futbolçunun transferi 35,9 milyon avroya başa gəlib. Onun müqaviləsi 2023-cü ilin yayına qədər nəzərdə tutulub. Müqavilənin şərtlərinə əsasən, Kleman Lanqlenin sərbəst qalma dəyəri 300 milyon avro təşkil edir.