Bakı. Avropa Liqasının birinci təsnifat mərhələsi çərçivəsində sabah saat 21:00-da "Dalğa Arena”da keçiriləcək "Neftçi” – "Uypeşt” oyununa bilet satışı davam edir. Trend-in Bakı klubunun saytına istinadən verdiyi məlumata görə, satışa çıxarılmış 6000 ədəd biletin 60 faizdən çoxu satılıb. Qiyməti 1, 2, 5 və 20 (VIP yerlər) AZN təşkil edən biletlərin satışı saat 13:00-da "Dalğa Arena”ya köçürüləcək.