Narkoloji Mərkəzin direktorunun həbs müddəti daha iki ay uzadılıb


Sosial 12 İyl 2018 09:56:00 88 0

Narkoloji Mərkəzin direktorunun həbs müddəti daha iki ay uzadılıb

Hakim Babək Pənahovun sədrliyi ilə keçirilən prosesdə qərar elan olunub

Nəsimi Rayon Məhkəməsində Bakının Xətai rayonu ərazisində yerləşən Respublika Narkoloji Mərkəzində çoxsaylı insan tələfatı ilə nəticələnən yanğınla bağlı mərkəzin direktoru Telman Məmmədhəsənov, şöbə müdiri Azad Ələkbərov və mühəndis Mahir Abdullayev barəsində seçilmiş həbs qətimkan tədbirinin uzadılması ilə bağlı istintaq orqanı tərəfindən verilən vəsatətə baxılıb.

"Report"un xəbərinə görə, hakim Babək Pənahovun sədrliyi ilə keçirilən prosesdə qərar elan olunub.

Qərara əsasən, istintaq orqanının vəsatəti təmin edilib, həmin şəxslərin barəsində həbs müddəti daha iki ay artırılıb.

Qərardan narazı qalan təqsirləndirilən şəxslər apellyasiya şikayəti veriblər. Bakı Apellyasiya Məhkəməsi isə hər üç şəxsin şikayətini təmin etməyib.

Təqsirləndirilən T.Məmmədhəsənovun vəkili Vasif İsrafilov "Report"a bildirib ki, müvəkkilinin səhhətində ciddi problemlər var. O qeyd edib ki, hüquqlarını müdafiə etdiyi şəxsin boyun fəqərələrindən biri implantdır: "Buna görə o, xüsusi müalicə olunmalıdır. Hazırda müvəkkilimin durumu ilə bağlı narahatıq. Digər təqsirləndirilən Azad Ələkbərov isə ürəyindən əməliyyat olunub, müalicə müəssisəsində müalicəsini davam etdirir. Hazırda istintaq davam etdiyi üçün ittihama münasibət bildirmək istəmirik”.

V.İsrafilov deyib ki, yaxın günlərdə T.Məmmədhəsənovun səhhəti ilə bağlı məhkəməyə müraciət edəcək: "Onun səhhətindəki problemlərə görə ev dustaqlığına buraxılmasını istəyirik. Qarşıdakı günlərdə məhkəməyə müraciət edəcəyik".

Qeyd edək ki, 2018-ci il martın 2-də Bakı şəhərinin Xətai rayonu ərazisində yerləşən Respublika Narkoloji Mərkəzində çoxsaylı insan tələfatı ilə nəticələnən yanğın baş verib.

Görülmüş tədbirlərlə Narkoloji Mərkəzdə "alkoqol qəbulu nəticəsində psixi və davranış pozuntuları" diaqnozu ilə müalicə alan Bakı şəhər sakini Məhəmməd Məmmədov 2018-ci il mart ayının 3-də həmin cinayətdə şübhəli şəxs qismində tutulub. İlkin dindirmə zamanı cinayəti törətdiyini etiraf edən M.Məmmədov ailə üzvlərinin ona qərəzli münasibətinə etiraz əlaməti olaraq və Narkoloji Mərkəzdə müalicə almaq istəmədiyinə görə intihar etmək qərarına gəldiyini bildirib. Bu məqsədlə mart ayının 2-si saat 06 radələrində qaldığı palatada yorğana bürünərək onu alışqanla yandırdığını, alov gücləndikdə özünü öldürmək niyyətindən daşınıb yanan yorğanı çarpayısının üstünə atdığını, alovun digər palatalara keçməsindən qorxduğu üçün şöbənin qapısı açılan kimi Mərkəzi tərk etdiyini göstərib.

M.Məmmədov Cinayət Məcəlləsinin (CM) 120.2.4-cü (ümümi təhlükəli üsulla qəsdən adam öldürmə), 120.2.7-ci (iki və ya daha çox şəxsi öldürmə), 120.2.9-cu (köməksiz vəziyyətdə olan adamı öldürmə) və 186.2.2-ci (yandırmaqla özgə əmlakını qəsdən məhv etmə) maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilmiş, eləcə də kompleks məhkəmə psixiatrik, psixoloji və narkoloji ekspertizalar təyin olunub.

Daha sonra Respublika Narkoloji Mərkəzin direktoru T.Məmmədhəsənov, şöbə müdiri A.Ələkbərov və mühəndis M.Abdullayev saxlanılıb və barələrində məhkəmə qərarı ilə üç ay müddətinə həbs qətimkan tədbiri seçilib.

Hər 3 şəxs barəsində CM-nin 225.2 (yanğın təhlükəsizliyi qaydalarını pozma zərərçəkmiş şəxsin ölümünə və ya digər ağır nəticələrə səbəb olduqda) və 308.2 (vəzifə səlahiyyətlərindən sui-istifadə - ağır nəticələrə səbəb olduqda) maddəsi ilə cinayət işi başlanıb.

Səhiyyə Nazirliyi: Bakıda avtobus qəzasında xəsarət alan 10 nəfər xəstəxanalardadır like
  • 12 İyl 09:52  
Digərləri Səhiyyə Nazirliyi: Bakıda avtobus qəzasında xəsarət alan 10 nəfər xəstəxanalardadır

Hadisə yerində 3 nəfərə tibbi yardım göstərildikdən sonra evə buraxıl

arrow Ətraflı
Azərbaycan nefti ucuzlaşdı like
  • 12 İyl 09:50  
Digərləri Azərbaycan nefti ucuzlaşdı

Azərbaycan nefti 2 dollardan çox ucuzlaşıb.

arrow Ətraflı
"Cavab görüşünə tam ciddi hazırlaşmalıyıq" like
  • 12 İyl 09:47  
İdman "Cavab görüşünə tam ciddi hazırlaşmalıyıq"

Qarabağ Çempionlar Liqasının I təsnifat mərhələsinin ilk oyununda

arrow Ətraflı
Manatın MƏZƏNNƏSİ like
  • 12 İyl 09:47  
Digərləri Manatın MƏZƏNNƏSİ

Azərbaycan Mərkəzi Bankı 12 iyul tarixindən etibarən valyuta məzənnələ

arrow Ətraflı
Kiyevdə xarici vətəndaşlar Azərbaycan ətrafında birləşdilər (FOTO) like
  • 12 İyl 09:43  
Digərləri Kiyevdə xarici vətəndaşlar Azərbaycan ətrafında birləşdilər (FOTO)

Kiyevdə xarici vətəndaşlar Azərbaycan ətrafında birləşdilər.

arrow Ətraflı
Ötən gün 12 cinayət “isti izlər”lə açıldı like
  • 12 İyl 09:40  
Digərləri Ötən gün 12 cinayət “isti izlər”lə açıldı

2018-ci il iyul ayının 11-dan 12-dək daxili işlər orqanlarında qeydə alı

arrow Ətraflı
“Gəncə hadisəsinin kökündə nə dayanır, demək çətindir” like
  • 12 İyl 09:33  
Digərləri “Gəncə hadisəsinin kökündə nə dayanır, demək çətindir”

Son.az qafqazinfo-ya istinadən vaxtilə Gəncə şəhərinin icra başçısı

arrow Ətraflı
Azərbaycanda iyunda gündəlik neft hasilatı açıqlanıb like
  • 12 İyl 09:31  
Digərləri Azərbaycanda iyunda gündəlik neft hasilatı açıqlanıb

Azərbaycanda iyunda gündəlik neft hasilatı açıqlanıb.

arrow Ətraflı
İyulun 12-də xarici valyutaların manata qarşı məzənnələri like
  • 12 İyl 09:31  
Digərləri İyulun 12-də xarici valyutaların manata qarşı məzənnələri

Azərbaycan Mərkəzi Bankı 12 iyul tarixindən etibarən valyuta məzənnələ

arrow Ətraflı
Türkiyə HHQ 17 terrorçunu zərərsizləşdirdi like
  • 12 İyl 09:30  
Dünya Türkiyə HHQ 17 terrorçunu zərərsizləşdirdi

Türkiyə Hərbi Hava Qüvvələri Osmaniyyə, Şırnak və Diyarbəkirdə PKK t

arrow Ətraflı
Ermənistan silahlı qüvvələri atəşkəsi 101 dəfə pozub like
  • 12 İyl 09:26  
Digərləri Ermənistan silahlı qüvvələri atəşkəsi 101 dəfə pozub

Ermənistan silahlı qüvvələrinin bölmələri cəbhənin müxtəlif istiqam

arrow Ətraflı
Cəbhədə vəziyyət gərgin olaraq qalır like
  • 12 İyl 09:26  
Digərləri Cəbhədə vəziyyət gərgin olaraq qalır

Ermənistan silahlı qüvvələrinin bölmələri cəbhənin müxtəlif istiqam

arrow Ətraflı