"Cavab görüşünə tam ciddi hazırlaşmalıyıq"
İdman 12 İyl 2018 09:47:00 302 0
Qarabağ Çempionlar Liqasının I təsnifat mərhələsinin ilk oyununda Sloveniyanın Olimpija klubunu minimal hesabla məğlub edib. Goal.az xəbər verir ki, Lyublyanada baş tutmuş matçdan sonra keçirilən mətbuat konfransında Qarabağ-ın çalışdırıcısı Qurban Qurbanov bunları deyib:
"Gözlədiyimiz kimi, ağır qarşılaşma oldu. 46 yaşlı mütəxəssis bildirib ki, Lyublyana təmsilçisi bir daha yaxşı komanda olduğunu nümayiş etdirib. O, komandasının meydanda çoxlu güc sərf etdiyini də vurğulayıb.
"Düzdür, bu gün minimal hesablı qələbə qazandıq. Amma Bakıda bizi daha çətin və ağır oyun gözləyir. Cavab görüşünə tam ciddi hazırlaşmalıyıq", - deyə baş məşqçi bildirib.
İyulun 18-də Tofiq Bəhramov adına Respublika stadionunda keçiriləcək "Qarabağ" - "Olimpiya" matçı saat 21:00-da başlanacaq.
Mənbə: goal.az