Bakı. Çinin şərqində "Mariya" tayfunu səbəbindən 580 minə yaxın insan təxliyə edilib. Trend-in məlumatına görə, bu barədə Çinin quraqlıq və daşqınların nəticələri ilə mübarizə üzrə dövlət idarəsindən bildiriblər. "Mariya" tayfunu Çinin şərq sahillərində yerləşən Futszyan və Çjetszyan əyalətlərində güclü yağışlara və küləklərə səbəb olub. Çinin meteoroloji idarəsi tayfunun təsiri altına düşən ərazilər üçün ən yüksək "qırmızı" xəbərdarlıq səviyyəsi elan edib.