Bakı. Azərbaycan Milli Elmlər Akademiyasının (AMEA) prezidenti, akademik Akif Əlizadə Tarix İnstitutunun təsis etdiyi “Gənclərin dostu” mükafatına layiq görülüb. Tarix İnstitutundan Trend-ə verilən məlumata görə, Akif Əlizadəyə bu mükafatı institutun Gənc Alim və Mütəxəssislər Şurasının sədri Rəşad Mustafa AMEA-nın magistrlərinin “Məzun günü” tədbirində təqdim edib. İnstitutun Elmi Şurasının qərarı ilə təsis edilən mükafat görkəmli alimlərə gənclərin alim kimi yetişməsində rolu və xidmətləri nəzərə alınaraq verilir.