Bakıda orta yaşlı kişi günvurma nəticəsində dünyasını dəyişib
Sosial 07 İyl 2018 07:36:20 305 0
Yerə yıxılan kişi polislər tərəfindən xəstəxanaya çatdırılsa da, orada ölüb
Bakıda günvurmadan ölüm hadisəsi qeydə alınıb.
"Report" xəbər verir ki, 1971-ci il təvəllüdlü Rövşən Dadaşov Yasamal rayonunda gün vurması nəticəsində özünü pis hiss edərək halsız vəziyyətdə yerə yıxılıb.
Zərərçəkmiş ərazidə xidmət çəkən Yol Patrul Xidmətinin əməkdaşlarının köməkliyi ilə 1 saylı Kliniki Tibbi Mərkəzə çatdırılıb.
Həkimlər onun günvurmadan əziyyət çəkdiyini müəyyən edib. Tibbi müdaxiləyə baxmayaraq, o, dünyasını dəyişib.
Fakt araşdırılır.
Mənbə: report.az