Dostları ilə hovuza gələn 35 yaşlı Zamiq Nağıyevin dünyasını dəyişməsi ilə bağlı ailəsinə məlumat verilib. Mərhumun qardaşı Nicat Nağıyevin sözlərinə görə hadisəyə səbəb su sürüşkənin qarşısında çimən qardaşına, başqa bir şəxsin zərbəylə çırpılması olub. O bunu müşahidə kameralarından da göründüyünü bildirir.

Nicat Nağıyevin sözlərinə görə qardaşı məhz istirahət mərkəzində təhlükəsizlik normalarına əməl edilməməsi səbəbindən dünyasını dəyişib.

İstirahət mərkəzinin əməkdaşları isə bu iddialarla razılaşmır. Mərkəzin menceri Sevinc Rəşidovanın sözlərinə görə təhlükəsizlik normalarına hər zaman əməl edilir. Ölümün hansı səbəbdən baş verdiyini isə bilmirlər.