"Qarabağ" braziliyalı qapıçı transfer edib
Sosial 06 İyl 2018 11:30:53 236 0
O, Kamran Ağayev və Emin Mahmudovun komanda yoldaşı olub
"Qarabağ" klubu daha bir qapıçı transfer edib.
"Report"un məlumatına görə, bu, braziliyalı Vaqner da Silvadır. 32 yaşlı qolkiper müqavilə üzrə Belçika "Muskron"una məxsus olsa da, 2017-ci ilin yanvarından icarə əsasında Portuqaliya "Boavişta"sında çıxış edib. O, Azərbaycan millisinin qapıçısı, hazırda "Keşlə"də çıxış edən Kamran Ağayev və sonradan "Neftçi"yə keçən yarımmüdafiəçi Emin Mahmudovla komanda yoldaşı olub.
Qeyd edək ki, "Qarabağ" daha əvvəl qapıçı mövqeyinə Danimarka "Randers"indən İslandiya millisinin üzvü Hannes Tur Halldorssonu transfer edib.
Mənbə: report.az