Bakıda yol polisinin əmrinə tabe olmayan sürücü ağır qəza törədərək ərazidən qaçıb
Sosial 05 İyl 2018 14:05:58 300 0
Hazırda polis "Mazda"nın sürücüsünü axtarır
Bakıda yol polisinin əmrinə tabe olmayan sürücü ağır qəza törədib.
"Report"un xəbərinə görə, hadisə Nərimanov rayonunda baş verib.
Belə ki, Koroğlu Rəhimov ilə akademik Həsən Əliyev küçəsinin kəsişməsində işıqforun yaşıl işığında "BMW" markalı avtomobil keçərkən polisdən qaçan vəyüksək sürətlə qırmızı işıqda keçən "Mazda" ona çırpılıb. Qəza nəticəsində xəsarət alan olmasa da, avtomobillər deformasiyaya uğrayıb.
Əraziyə yol polisi əməkdaşları gəlib. Qəzadan dərhal sonra "Mazda"nın sürücüsü avtomobilini tərk edərək uzaqlaşıb.
Hazırda polis "Mazda"nın sürücüsünü axtarır.
Mənbə: report.az