Son.az Trend-ə istinadən bildirir ki, bunu ABŞ-ın Azərbaycandakı müvəqqəti işlər vəkili Uilyam Gil Birləşmiş Ştatların Müstəqillik Gününə həsr olunmuş tədbirdə deyib.

Bu il AB-ın müstəqilliyinin 242 illiyinin, Azərbaycan Xalq Cümhuriyyətinin isə 100 illiyinin qeyd edildiyini xatırladan U.Gil bunun xüsusi məna kəsb etdiyini deyib.

Diplomat qeyd edib ki, müstəqillik günündən etibarən ABŞ Azərbaycanı hər zaman dəstəkləyib:

"Biz müstəqil və stabil Azərbaycanı dəstəkləməyə davam edirik. Birgə əməkdaşlıq sayəsində Azərbaycan və ABŞ iki ölkə və bütün dünya üçün daha yaxşı bir gələcək qura bilər".