“Silk Way Helicopter Services”in baş direktoru: "Burada səhv bağışlanılmır" - REPORTAJ


İqtisadiyyat 04 İyl 2018 12:14:27 67 0

“Silk Way Helicopter Services”in baş direktoru: "Burada səhv bağışlanılmır" - REPORTAJ

"Report"un əməkdaşları Zabratdakı helikopter meydançasına baş çəkib

Bakının Sabunçu rayonunun Zabrat qəsəbəsində yerləşən helikopter meydançası və yaxud hamının Zabrat aeroportu kimi tanıdığı yer. Təxminən 40 il bundan əvvəl burada, həmişə maraqla izlədiyimiz, məşhur “Yol əhvalatı” bədii filminin bir hissəsi lentə alınıb. Aeroport 2008-ci ilə qədər “Azərbaycan Hava Yolları” (AZAL) Dövlət Konserninə məxsus olub. Həmin il AZAL Qapalı Səhmdar Cəmiyyətə çevrilib, Zabrat Hava Limanı isə özəlləşdirilərək “Silk Way Holding” MMC-yə daxil olan “Silk Way Helicopter Services” MMC-nin tabeliyinə keçib.

Hazırda bu hava nəqliyyatı qurumu ölkənin kiçik aviasiya sahəsində fəaliyyət göstərən ən böyük aviaşirkətidir. Onun parkında ABŞ, Rusiya və İtaliya istehsalı olan müxtəlif markalı helikopterlər var. Park 2005, 2010, 2012 və 2014-cü illər ərzində tədricən yenilənib və bu proses davamlı olaraq aparılır. Amma şirkətə daxil olarkən diqqətimizi ilk növbədə xatirə kimi saxlanılan və istismar müddəti çoxdan başa çatmış “M-2” helikopteri çəkdi. 1930-cu illərdə istifadə olunmuş bu hava gəmisi Azərbaycanda Xəzər dənizi üzərindən uçuşların həyata keçirildiyi ilk helikopterdir. Kiçik ölçülü bu hava nəqliyyat vasitəsinə cəmi 1 pilot və 2 sərnişin yerləşir.

Atadan oğula keçən peşə

“Silk Way Helicopter Services”in iş prinsipləri ilə bizi aviaşirkətin baş direktoru Azər Sultanov tanış edir. İlk sualımız burada işçi heyətin formalaşdırılması ilə bağlı olur. Baş direktorun sözlərinə görə, lazımi kadrların hazırlanması üçün Milli Aviasiya Akademiyası (MAA) ilə sıx əməkdaşlıq edilir: “Akademiyanın məzunlarının hesabına həm uçuş, həm də texniki heyətimiz formalaşır, yaşa görə pensiyaya çıxan heyət üzvləri təcrübəni mənimsəməklə yeni nəsil pilot və texniklərlə əvəzlənir. Maraqlıdır ki, aviasiya ailəsində varislik mövcuddur, yəni pilot atanı onun pilot oğlu, mühəndis atanı isə onun mühəndis oğlu əvəz edir”.

A.Sultanov həmçinin bildirir ki, aviaşirkətin əməkdaşları mütəmadi olaraq peşəkarlıq səviyyələrini artırır: “Müəssisəmizin hər bir əməkdaşı il ərzində müxtəlif təlimlərə cəlb olunur. Bu, ilk növbədə uçuş və texniki heyətə aiddir. Onlar MAA ilə yanaşı Almaniya, Fransa, İtaliya, Finlandiya və Rusiyadakı beynəlxalq nüfuza malik təlim mərkəzlərində hazırlıq keçir, təcrübələrini artırır”.

Burada səhv bağışlanılmır

Daha sonra A.Sultanov bizi uçuşların həyata keçirilməsi prosesi ilə tanış edir. Onun sözlərinə görə, burada səhv bağışlanılmır və maksimum dərəcədə diqqətli olmaq, işin məsuliyyətini dərk etmək lazımdır: “Siz təsəvvür edə bilməzsiniz ki, bir hava gəmisinin tam təhlükəsiz havaya qalxması üçün neçə insanın savadından və bacarığından istifadə olunur. Təbii ki, hava şəraitindən asılı olaraq fövqəladə halların baş verməsi qaçılmazdır. Hər bir fövqəladə hal üçün işçi heyət mütəmadi olaraq sınaq və imtahanlardan keçir. Pilotlar və onları müşahidə edən texniklər daima tibbi müayinədən keçirlər. Bunun üçün tibb məntəqəmiz var və heyətin səhhəti tam məqbul olduğu halda onlar uçuşa buraxılırlar”.

Uçuşların təhlükəsizliyi təmin olunur

“Silk Way Helicopter Services”də uçuşların təhlükəsizliyi müxtəlif dövlət qurumları ilə birgə əməkdaşlıq hesabına təmin olunur. “AZAL bizi naviqasiya və meteo məlumatlarla təchiz edir. Ekologiya və Təbii Sərvətlər Nazirliyindən isə hava məkanı barədə məlumatlar əldə olunur. Həmçinin havanın, küləyin, buludların sıxlığının ölçülməsi üçün avadanlıqlarımız var. Uçuşların təhlükəsizliyinin təmin edilməsi üçün mexanizmlər sifarişi qəbul edən əməkdaşdan başlayaraq işə düşür, uçuş xidməti, tibbi müayinə, uçuşqabağı hava gəmisinə texniki baxış, yanacaq doldurma, aviasiya təhlükəsizliyi xidmətləri, yerüstü xidmət, hava gəmisinin yedəklənməsi, meteo xidməti, naviqasiya müəyyənləşmələri və s. bütün strukturlar birgə iştirak edir. Arada dənizdə çalışan neftçilərin səhhəti ilə bağlı gecə uçuşları olur ki, burada kollektivin saat kimi çalışması insan həyatının xilas edilməsi üçün ən vacib amildir”, - deyə baş direktor bildirir.

Yırtıcı quş səsləri

Daha bir maraqlı məqam isə təhlükəsizlik üçün yırtıcı quş səslərindən istifadə edilməsidir. A.Sultanovun sözlərinə görə, məqsəd quşları helikopter meydançasından uzaqlaşdırmaq və hava gəmisi uçmağa başlayarkən quşların onun pərinə daxil olmasının qarşısı almaqdır: “Amma bəzən quşlarla yanaşı insanlar da təhlükəsizliyin təmin edilməsinə mane olurlar. Bir dəfə kənd uşaqları lazer şüasını pilotun gözünə tutmuşdular. Təxminən 1 dəqiqə ərzində o, görüntünü itirmişdi. Ancaq fövqəladə halın qarşısı vaxtında alındı və eniş təhlükəsiz şəkildə həyata keçirildi”.

Qeyd edək ki, “Silk Way Helicopter Services” 24 helikopter dayanacağına malikdir. Hava gəmisi yerə endikdən sonra içərisi tamamilə boşaldılır və ona uçuşdan sonra baxış keçirilir. Daha sonra helikopter anqara çəkilir. Burada siqaret çəkmək qəti qadağandır.

Zabratda servis mərkəzi açılacaq

Bu ilin sentyabr aytında Zabratda “Leonardo” tipli helikopterlərin servis mərkəzinin yaradılması nəzərdə tutulub: “Bu regionda ilk belı servis mərkəzi olacaq. Fəaliyyət dairəmizi genişləndirməyi nəzərdə tuturuq. Qürur hissi ilə deyə bilərəm ki, “Silk Way Helicopter Services” Xəzər dənizi regionunda və postsovet məkanında beynəlxalq standartlara cavab verən bəlkə də yeganə şirkətdir. Bunun üçün bütün səviyyələrdə, bütün struktur vahidlərində və mərhələlərində auditdən keçirik”, - deyə A.Sultanov vurğulayır.

Helikopterlər hər kəs üçündür

Hazırda aviaşirkətin fəaliyyətinin əsas istiqaməti neft sənayesinə aviasiya xidmətlərin göstərilməsi, dəniz buruqlarına sərnişin və yük daşınmasıdır. Bununla yanaşı, baş direktorun sözlərinə görə, “Silk Way Helicopter Services” müxtəlif şirkətlərin və iş adamlarının da sifarişlərini yerinə yetirir: “Sirr deyil ki, müasir biznesin əsas prinsiplərindən biri sürətdir. Sifarişləri yerinə yetirmək üçün internet səhifəmizdə sifariş bölməsi fəaliyyət göstərir. İstirahət məqsədilə, tibbi təxliyyə əməliyyatları aparılması üçün də sifarişlər olur. Uçuşların qiyməti istiqamətdən, məsafədən, insanların sayından asılır. Burada çox amillər var. Məsələn, bir var helikopter küləyə əks uçsun, bir də var külək istiqamətində uçsun. Əksinə uçduqda vaxt və yanacaq çox sərf olunur, bu da qiymətə təsir edir. Hazırda Azərbaycan daxilində uçuruq, ancaq xaricə uçmaq üçün də imkanlarımız var”.

Uçuşdan əvvəl gözləmə otağına

Zabrat aeroportunda sərnişinlər üçün gözləmə otaqları yaradılıb. Burada sərnişinlərə uçduqları hava gəmisinə uyğun video təlimatlar göstərilir və onlar təlimatla tanış olduqlarını imzaları ilə təsdiqləyirlər. Daha sonra sərnişinlərə xüsusi jiletlər paylanılır. Qışda suyun temperaturu müsbət 10 dərəcədən aşağı olarsa, insanlara xüsusi hidro kostyumlar da verilir.

Gülbenin keçmiş ərinə 8 il həbs cəzası tələbi like
  • 04 İyl 12:14  
Digərləri Gülbenin keçmiş ərinə 8 il həbs cəzası tələbi

Gülben Ergen keçmiş həyat yoldaşı Erhan Çeliki məhkəməyə verib

arrow Ətraflı
Sinoptiklər SEVİNDİRDİ: Sabahdan hava sərinləşəcək (ÖZƏL) like
  • 04 İyl 12:11  
Digərləri Sinoptiklər SEVİNDİRDİ: Sabahdan hava sərinləşəcək (ÖZƏL)

İyulun əvvəlindən ölkə ərazisində müşahidə edilən anomal istilərdə

arrow Ətraflı
12 uşaq və məşqçi hələ də mağaradadır: like
  • 04 İyl 12:08  
Dünya 12 uşaq və məşqçi hələ də mağaradadır:

Taylandın şimalındakı Çianq Ray bölgəsindəki "Tham Luan Nang Non&qu

arrow Ətraflı
Havada müşahidə olunan duman meteoroloji şəraitlə bağlıdır like
  • 04 İyl 12:08  
Digərləri Havada müşahidə olunan duman meteoroloji şəraitlə bağlıdır

Bakıda və Abşeron yarımadasında havada müşahidə olunan duman meteoroloji

arrow Ətraflı
Sabiq MTN əməkdaşının məhkəməsi başladı like
  • 04 İyl 12:05  
Digərləri Sabiq MTN əməkdaşının məhkəməsi başladı

Bu gün Bakı Ağır Cinayətlər Məhkəməsində dələduzluqda təqsirləndir

arrow Ətraflı
Tina Törnerin oğlu intihar etdi  FOTO like
  • 04 İyl 12:03  
Dünya Tina Törnerin oğlu intihar etdi FOTO

Dünyaca məşhur müğənni, 78 yaşlı amerikalı Tina Törnerin böyük oğlu

arrow Ətraflı
VTB bankı azərbaycanlı ixracatçıları maliyyələşdirməyə hazırdır (FOTO) like
  • 04 İyl 12:02  
Digərləri VTB bankı azərbaycanlı ixracatçıları maliyyələşdirməyə hazırdır (FOTO)

“Azexport” elektron ticarət portalı və VTB (Azərbaycan) bankı bu gün

arrow Ətraflı
Bərdədə iki gənc çayda boğuldu  FOTO like
  • 04 İyl 12:00  
Digərləri Bərdədə iki gənc çayda boğuldu FOTO

Bərdə rayonunda iki gənc çayda boğularaq ölüb.

arrow Ətraflı
“Azertexnolayn”dan daha bir uğur (FOTO) like
  • 04 İyl 12:00  
Digərləri “Azertexnolayn”dan daha bir uğur (FOTO)

Belarusun paytaxtı Minsk şəhərində, MDB İcraiyyə Komitəsinin binasında

arrow Ətraflı
SON DƏQİQƏ! İstanbulda tekstil fabriki yanır like
  • 04 İyl 11:58  
Digərləri SON DƏQİQƏ! İstanbulda tekstil fabriki yanır

İstanbulda tekstil fabriklərinin birində yanğın baş verib

arrow Ətraflı
Prokuror MTNin sabiq əməkdaşına cəza istədi like
  • 04 İyl 11:55  
Digərləri Prokuror MTNin sabiq əməkdaşına cəza istədi

Bakı Ağır Cinayətlər Məhkəməsində dələduzluqda təqsirləndirilən El

arrow Ətraflı
Təlimlərdə ərazinin maketi üzərində fəaliyyətlər icra olunub  VİDEO like
  • 04 İyl 11:51  
Digərləri Təlimlərdə ərazinin maketi üzərində fəaliyyətlər icra olunub VİDEO

Genişmiqyaslı təlimlərin planına uyğun olaraq, təlim iştirakçıları ə

arrow Ətraflı