VTB bankı azərbaycanlı ixracatçıları maliyyələşdirməyə hazırdır (FOTO)
Digərləri 04 İyl 2018 12:02:38 253 0
“Azexport” elektron ticarət portalı və VTB (Azərbaycan) bankı bu gün əməkdaşlıq memorandumu imzalayıb
Bakı. Hüseyn Vəliyev -
“Azexport” elektron ticarət portalı və VTB (Azərbaycan) bankı bu gün əməkdaşlıq memorandumu imzalayıb.
Trend-in məlumatına görə, sənədə əsasən azərbaycanlı ixracatçılar bankın təmsil olunduğu ölkələrdə ixracın maliyyələşdirilməsi üçün yeni imkanlar qazanacaq.
Bundan başqa, memorandum birgə tədbirlər və konfransların keçirilməsi, biznes-missiyaların təşkili, məlumat mübadiləsinin, o cümlədən yeni sığorta, logistika və nəqliyyat imkanlarının təqdim olunmasını nəzərdə tutur.
Memorandumu “Azexport” portalının rəhbəri Zaur Qardaşov və VTB (Azərbaycan) bankının İdarə heyətinin sədri Yevgeni Kirin imzalayıb.
Mənbə: az.trend.az