Anomal istilər səbəbindən Gürcüstanda elektrik enerjisindən istifadə son 35 ildə rekord həddə çatıb
Dünya 04 İyl 2018 01:11:12 238 0
Buna baxmayaraq Gürcüstandan Azərbaycana elektrik enerjisinin ixracı dayandırılmayıb
Anomal istilər səbəbindən iyulun 2-də Gürcüstanda 1920 MVt elektrik enerjisi istehlak olunub. Buna baxmayaraq Gürcüstandan Azərbaycana elektrik enerjisinin ixracı dayandırılmayıb.
Bu barədə “Report”un Gürcüstan bürosuna “Gürcüstan Elektrik Sistemi” Səhmdar Cəmiyyətindən məlumat verilib.
Bildirilib ki, iyulun 2-də havanın temperaturunun kəskin yüksəlməsi sayəsində elektrik enerjisindən bu qədər istifadə ötən əsrin 80-ci illərindən bu yana ilk rekord göstəricidir. Bu göstərici həmçinin, 2017-ci ilin analoji dövründəki istehlakla müqayisədə 12 faiz çoxdur.
Yay mövsümündə elektrik enerjisindən istifadə hətta qış dövrü ilə müqayisə də xeyli çoxdur.
“Gürcüstan Elektrik Sistemi” SC-dən onu da bildiriblər ki, Azərbaycana elektrik enerjisinin ötürülmə gücü hazırda 60 MVt təşkil edir.
Mənbə: report.az