Yaponiyalı azarkeşlər Belçikaya son dəqiqə qolu ilə məğlubiyyətdən sonra da oturduqları yeri təmizləyiblər
Digərləri 03 İyl 2018 09:41:12 196 0
Fanatlar ənənələrinə sonadək sadiq qalıblar
Yaponiya milli komandasının azarkeşləri Belçika yığması ilə dünya çempionatının 1/8 final matçından sonra da tribunada özlərinin oturduqları hissədəki zibilləri toplayıblar.
"Report"un məlumatına görə, asiyalı fanatlar qrup oyunlarından başlanan ənənəvi təmizlik işlərini bu görüşün ardından da davam etdiriblər. Yaponiya qrup oyunlarını Saransk, Yekaterinburq və Volqoqradda, 1/8 final görüşünü Rostovda keçirib. "Gündoğar ölkə" təmsilçisi ikinci hissənin əvvəllərində hesabda 2:0 öndə olduğu halda, uzatma dəqiqələrində buraxdığı qolla uduzub - 2:3. Lakin son dəqiqə üzüntüsü də yaponiyalı azarkeşləri ənənələrindən əl çəkməyə sövq etməyib.
Qeyd edək ki, Belçika 1/4 finalda Braziliya ilə qarşılaşacaq.
Mənbə: report.az