30 yaşlı kişi dənizdə batıb
Digərləri 02 İyl 2018 22:34:00 272 0
Astarada bir nəfər dənizdə batıb.
Son.az APA-ya istinadən bildirir ki, rayon sakini, 1988-ci il təvəllüdlü Xəzər Abbasqulu oğlu Abbasov Xəzərin Astara rayonu ərazisində düşən hissəsində çimərkən boğulub.
X. Abbasovun suda boğulması ilə bağlı onunla birgə çimən dostu məlumat verib. Ətrafdakıların köməkliyi ilə meyit sudan çıxarılıb.
Meyit müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran rayon şöbəsinə təhvil verilib.
Faktla bağlı araşdırma aparılır.
Mənbə: milli.az