Jirinovski: "Hakim meydanda yox, kabinetdə oturmalıdır"
İdman 02 İyl 2018 17:49:00 227 0
"Futbolda qaydalar dəyişməli, hakimlər meydandan götürülməlidir". Goal.az xəbər verir ki, bunu Rusiya Liberal-Demokrat Partiyasının sədri, Dövlət Dumasının deputatı Vladimir Jirinovski "Rossiya 1"ə müsahibəsində deyib. O bildirib ki, hakimlər oyuna maneəçilik törədirlər: "Heç bir əlavə vaxt, penalti, ofsayd, cərimə zərbəsi təyin olunmamalıdır. Oyun dayananadək oynamaq lazımdır. Top meydanda və ayaqdadırsa, heç bir fit çalınmamalıdır. Ümumiyyətlə, hakim kabinetdə oturmalıdır".
Jirinovski dünya çempionatının 1/4 finalında Rusiya ilə üz-üzə gələcək Xorvatiya barədə də danışıb: "Xorvatiyalılar sakitləşməlidirlər. Onlar bizə və serblərə qarşı vuruşublar, günahlarını hiss edirlər. Razıyam ki, bu, idmandır. Lakin onlar keçmişlərini xatırlayırlar. Xorvatiya özünü narahat hiss edəcək. İyulun 7-də Rusiyaya 0:1 hesabı ilə uduzacaqlar".
Dünya çempionatının 1/8 finalında Rusiya İspaniyanı, Xorvatiya Danimarkanı penaltilər seriyasında üstələyib.
Mənbə: goal.az