İslaminSesi.info -İslam dini etiqad məktəbi olmaqla yanaşı həm də şəxsiyyət formalaşdırma məktəbidir. İnsan İslamın əhkamını yaşamaqla və Allahın bəxş etdiyi nuraniyyətlə böyük, əzəmətli məqamları fəth edir. Bu kimi uca məqam və elm sahiblərindən diri də Şah Əbdül-Əzim ləqəbi ilə tanınan Seyyid Əbdul-Əzim Həsənidir.

Son.az islaminıesi.info-ya istinadən bildirir ki, o hicrətin 173-cü ilində Mədinə şəhərində dünyaya göz açıb. Atası Abdullah ibn Əli, 4-cü babası İmam Həsəndir (ə).

Əbdül-Əzim böyük İslam alimlərindən, məsumlardan (ə) hədis nəql edən, mənəviyyat sahibi şəxslərdəndir.

Əbdül-Əzim dövrünün 3 imamı ilə rabitədə olub. Ayətullah Tehrani bu barədə deyir: O böyük şəxsiyyət İmam Rza, İmam Cavadı (ə) dərk edib və öz imanını İmam Hadiyə (ə) yetirib."

Mənbələrdə qeyd olunur ki, o, İmam Cavad və İmam Hadi (ə)-ın hüzuruna daxil olarkən böyük ədəblə daxil olar, imamlar (ə) da onu düz yaxınlarında əyləşdirər, ona böyük hörmət edərdilər.

Şeyx Əbdül-Əzim Abbasilər dövründə yaşamış və daim haqq carçısı olmuşdur. Bu səbəbdən daim təqib olunardı.  Bu səbəbdən Mötəzin vaxtında İmam Hadinin (ə) əmri ilə Samirra şəhərindən Rey şəhərinə hicrət edir və ömrünün sonuna kimi orada təbliğat və İmamların hədislərini söyləmək, Quran təfsir etməklə məşğul olur.  Həmçinin Əbdül-Əzimin Xotasana İmama Rzanı (ə) ziyarət qəsdilə gəldiyi də deyilir.