Mərkəzdən Son.az-a verilən məlumata görə, qurum fəaliyyəti çərçivəsində qida təhlükəsizliyi sertifikatının, müvafiq olaraq fitosanitar, baytarlıq sertifikatlarının verilməsi xidmətlərini göstərəcək. Sahibkarlar ixrac etdiyi məhsullar üçün bu sertifikatları da "Bir Pəncərə" İxraca Dəstək Mərkəzindən vahid məkan prinsipi əsasında əldə edə biləcəklər.

"Bir Pəncərə" ixraca Dəstək Mərkəzinin meneceri Nicat Hacızadə bilidirib ki, Qida Təhlükəzsizliyi Agentliyinin iyulun 1-dən "Bir Pəncərə" İxraca Dəstək Mərkəzində fəaliyyətə başlaması sahibkarlar üçün yeni imkanların yaradılmasıdır: "Mərkəz tərkibində ixracatçıların əsas üstünlüyü ixrac prosesini özündə ehtiva edən ixrac blokuna məxsus digər dövlət qurumlarının da sertifikat və icazələrini almağın mümkün olmasıdır. Başqa sözlə, sahibkarlar Bir Pəncərə prinsipi əsasında malın mənşə sertifikatının alınmasını, gömrük bəyannaməsinin doldurulmasını, həmçinin özəl sektora malik standartların asanlıqla əldə olunma üstünlüklərindən yararlanacaqlar".