Bakı. Kapital Bank sadiq müştəriləri üçün “Birlik Klubu” layihəsini təqdim edib. Artıq Bankın kredit müştəriləri “Birlik Klubu”na qoşulmaqla bir sıra güzəştlərdən yararlanmaq imkanı əldə edirlər. Bankdan Trend-ə verilən məlumata görə, kluba üzv olan müştərilərə xüsusi üzvlük kartları təqdim edilir. Kartın növündən asılı olaraq müştərilərin aylıq kredit ödənişlərindən müəyyən məbləği bonus şəklində karta geri qaytarılır. Kredit komissiyasına endirim, illik faiz dərəcəsinə güzəşt tətbiq olunur. Həmçinin kreditin ödəniş vaxtına 12 ayadək əlavə müddət əldə etmək mümkündür.