Bu gün bəzi cavanların ailə qurmaq meyillərinin olmaması cəmiyyətə böyük ziyanlar vurur. Çünki həm fəsadın artması üçün şərait yaranır, həm də cəmiyyətin sayının artmasına mənfi təsirlərini göstərir.

Son.az deyerler.org-a istinadən bildirir ki, müasir cavanlar ailə qurmaqdan qorxurlar. Çünki məsuliyyət altına girmək istəmirlər. İstəmirlər ki, kimsə bir başqasını himayə etsin və onun ehtiyaclarını ödəsin. Özü üçün əlavə problemlər yaratmaq qorxusu, ailənin təşviq etməməsi, maddi çətinliklər, dostların subay olması və evlilikdən qaçmaq təbliğatları onu ailə qurmaqdan soyudar. Nəticədə isə özünə gələn zaman görər ki, yaşı 40-ı keçmişdir. Bu yaşda ailə qurmaq heç də asan deyildir.

Ona görə də dinimiz həmişə cavanları evliliyə təşviq etmiş və valideynlərinin haqlarından birinin də onları evləndirmək olduğunu bəyan etmişdir. Valideyn gərək övladının evliliyi üçün ona yardım etsin və dəstək olsun. Onu bu işə həvəsləndirsin. Bu işdə vasitəçi olsun.