ABŞ Kanada və Aİ-nin törədilən vəhşiliklərə görə Myanmaya qarşı sanksiyalarını dəstəkləyib
Dünya 26 İyn 2018 02:09:50 344 0
Hizer Noyert: "Biz bu hərəkətləri möhkəm şəkildə dəstəkləyirik"
“Report” xəbər verir ki, onun bəyanatı Dövlət Departamentinin saytına yerləşdirilib.
Noyertin sözlərinə görə, Kanada və Amerikanın Aİ üzrə tərəfdaşları bu həftə Myanmada "vəhşiliyə görə məsuliyyət prinsipini təşviq etmək" üzrə addım atıblar.
"Biz bu hərəkətləri möhkəm şəkildə dəstəkləyirik", — deyə o bildirib.
Departament rəsmisi əlavə edib ki, ABŞ Myanma silahlı qüvvələri rəhbərliyinə viza verməyi dayandırıb, həmçinin BMT-nin bu ölkədə araşdırmaların aparılması üzrə missiyasının mandatını dəstəkləyib.
"ABŞ bütün hökumətimizin Arakan ştatındakı böhranın humanitar və insan hüquqları aspektlərinə reaksiyasını hazırlayır və bunu davam etdirəcək", - deyə o söyləyib.
Aİ apreldə Myanmaya silah tədarükünə qoyulan embarqonun müddətini bir il uzadıb.