Silahlı Qüvvələrin 100 illiyi Varşavada qeyd edilib FOTO


Digərləri 25 İyn 2018 15:20:00 306 0

Silahlı Qüvvələrin 100 illiyi Varşavada qeyd edilib  FOTO

Azərbaycanın Polşadakı səfirliyinin əməkdaşları, həmçinin Varşavada təhsil alan azərbaycanlı tələbələr Silahlı Qüvvələrimizin 100 illiyi münasibətilə Varşavadakı Yuzef Polinski adına parkda ucaldılan "Müstəqil Azərbaycan və Polşa uğrunda mübarizlərin xatirəsinə" abidəsini ziyarət ediblər.

Səfirlikdən Son.az-a verilən məlumata görə, abidə Azərbaycan Milli Ordusunun Baş Qərargah rəisi olmuş (1918-1920-ci illər) polyak əsilli general Matsey Sulkeviç və Polşa Respublikası Ordusunun və Milli Ordunun polkovniki olmuş Azərbaycan əsilli Vəli bəy Yadigarın şərəfinə ucaldılıb.

Abidənin önündə çıxış edən səfir Həsən Həsənov Azərbaycan Ordusunun yaranma tarixi haqqında məlumat verib. O, ümummilli lider Heydər Əliyevin Azərbaycan Ordusunun qurulmasındakı əvəzsiz xidmətlərindən ətraflı bəhs edib. Səfir H.Həsənov məhz ulu öndər Heydər Əliyevin ölkəmizə rəhbərlik etdiyi dövrdə orduda peşəkar kadr hazırlığının əsasının qoyulduğunu və keçirilmiş islahatlar nəticəsində təcrübəli Azərbaycan Ordusunun yarandığını diqqətə çatdırıb.


Xəbərə aid fotolar