"BBC"nin bir radio proqramı üçün apardığı araşdırma nəticəsində, vəziyyətin düşünüldüyü qədər sadə olmadığı görülmüşdür.

Genetik faktor

Son.az moneta.az-a istinadən bildirir ki, sağ ya da sol əlin istifadəsi genetika ilə əlaqəlidir. Amma, genetiklər də hələ bunun DNT-nin (Dezoksiribonuklein turşusu və ya qısacası, DNT - canlı orqanizmin formalaşması və həyati proseslərini davam etdirəbilməsi üçün irsi informasiyanın saxlanıldığı, nəsillər arasında ötürülən biopolimerdir) hansı spiralında olduğunu müəyyənləşdirməyə çalışırlar. Solaxaylığın 40 fərqli genlə bağlı ola biləcəyi də deyilməkdədir. Yəni, sol əldən istifadə edənlərin yüzdə on nisbətində olmasının səbəbi hələ bilinmir.

Bəs, adi həyatda qayçı və ya qələmdən istifadə edərkən sol əldən istifadə etməyin bir təsiri var?

Sol əldən istifadənin beynə necə təsir etdiyi məsələsində müzakirələr uzun müddətdir davam etsə də, beynin sağ yarımkürəsinin sol əli, sol yarımkürəsinin isə, sağ əli idarə etdiyi bir həqiqətdir. Solaxaylıq beynin quruluşu ilə əlaqədardır.

Londonda yerləşən UCL-in (University College London) professoru Chris McManus-a görə, sol əldən istifadə edənlər bəzi sahələrdə daha bacarıqlı ikən, bəzi sahələrdə də geridə qala bilirlər.

Onda bir nisbəti

İnsanların yüzdə 40-da sol qulaq, yüzdə 30-unda sol göz, yüzdə 20-sində sol ayaq və yüzdə 10-unda isə sol əl işləkdir. Bunun səbəbi nə ola bilər? Sol əldən istifadə edənlər niyə azlıqdadırlar?