Ərdoğan: "Hazırda seçicilərin 50 faizdən çoxu artıq səs verib"


Dünya 24 İyn 2018 15:15:04 300 0

Ərdoğan: "Hazırda seçicilərin 50 faizdən çoxu artıq səs verib"

Türkiyə prezidenti ölkədə keçirilən seçkilərdə səs verib

Türkiyənin hazırkı prezidenti Rəcəb Tayyib Ərdoğan bazar günü ölkədə keçirilən növbədənkənar prezident və parlament seçkilərində səs verib.

"Report" NTV telekanalına istinadən xəbər verir ki, Türkiyə prezidenti səsverməyə İstanbulun Üsküdar rayonunda yerləşən məktəblərdən birindəki seçki məntəqəsində qatılıb.

Onunla yanaşı həyat yoldaşı Əminə Ərdoğan və kürəkəni – Türkiyənin energetika və təbii sərvətlər naziri Berat Albayrak da səs verib.

Ərdoğan səsvermə zamanı bildirib ki, Türkiyə bazar günü ölkədə keçirilən növbədənkənar prezident və parlament seçkiləri sayəsində demokratik inqilab edir:

"Bu seçkilər əhəmiyyətli bir xüsusiyyətə malikdir. Türkiyə onların sayəsində əməli olaraq demokratik bir inqilab edir".

Dövlət başçısı həmçinin bildirib ki, seçicilərin seçkilərdə iştirak səviyyəsi yaxşıdır. Onun sözlərinə görə, "hazırda seçicilərin 50 faizdən çoxu artıq səs verib".