Rusiyalı gimnast Yuriy Busse Bakıda Milli Gimnastika Arenasından yüksək zövq alıb
Digərləri 23 İyn 2018 15:32:56 247 0
Rusiyalı gimnast Yuriy Busse Bakıda Milli Gimnastika Arenasından yüksək zövq alıb
Bakı. Ənvər Məmmədov -
Rusiyalı gimnast Yuriy Busse Bakıda Milli Gimnastika Arenasından yüksək zövq alıb.
İdman gimnastikası üzrə təsnifat yarışlarındakı çıxışından sonra təəssüratlarını Trend-ə bölüşən rus gimnast deyib ki, Bakıda ilk dəfə olur və burada çıxış etmək çox xoşuna gəlib:
"Sizin gözəl arenanız və keyfiyyətli idman alətləriniz var".
Gimnast öz çıxışları barəsində yüksək fikirdədir və Olimpiya oyunlarına vəsiqə qazanacağına ümid edir:
"Ümumilikdə çıxışlar uğurlu oldu. Qeyr-bərabər barlarda bəzi səhvlər oldu, ancaq bu nəticəyə təsir etmədi. Ümid edirəm ki, mən Buenos-Ayresdəki Olimpiadaya düşə biləcəyəm".
Qeyd edək ki, Y.Busse birinci rotasiyadan sonra 80,731 balla birinci yerdədir.
Mənbə: az.trend.az