Argentinanın dünya çempionatına uğursuz startı baş məşqçi Xorxe Sampaolinin istefasını gündəmə gətirib. Artıq futbolçuların onun rəhbərliyi altında oynamaq istəmədiyi barədə xəbərlər yayılır. Goal.az xəbər verir ki, federasiya Sampaolinin müqaviləsini pozacağı halda ona 20 milyon avro təzminat ödəməlidir. 2017-ci ildə Edqardo Bausanı əvəzləyən mütəxəsisin müqaviləsi 2022-ci il dünya çempionatına qədərdir.