Yüzlərlə gəncin ölümünə səbəb olan "Mavi balina" bu sosial şəbəkələrdən yayılır Qurucusu ETİRAF ETDİ


Dünya 22 İyn 2018 03:30:00 474 0

Yüzlərlə gəncin ölümünə səbəb olan "Mavi balina" bu sosial şəbəkələrdən yayılır  Qurucusu ETİRAF ETDİ

2015-ci ildə Rusiyada çıxan və 130 gəncin ölümünə səbəb olan "Mavi balina" internet oyununun qurucusundan sonra onun ortağı Nikita Nearonov da həbs edilib.

Son.az xəbər verir ki, oyunun qurucusu, 22 yaşlı Filip Budeikin ötən il 16 gəncin intiharına səbəb olmaqdan dolayı həbs edilmiş, lakin o, həbsdə ikən oyunun davam etdiyi ortaya çıxmışdı.

Oyunun digər bir idarəçisi olan İya Sidorovun həbs edilməsinə rəğmən, istifadəçilərə mesajların göndərilməsi davam edib. Nəhayət, polis təlimatları yönləndirən şəxsin 22 yaşlı Nikita Nearonov olduğunu təsbit edib.

Nearonovun 10 gəncin intiharında rol oynadığı və 40 nəfərlik bir qrupla oyun üzərində toplantılar təşkil etdiyi üzə çıxıb. Onun çox zəkalı gənc olduğuna diqqət çəkən polis Nearonovun ailəsinin normal olduğunu və Moskvada maliyyə mütəxəssisi kimi yüksək maaşlı bir işdə işlədiyini qeyd edib. Araşdırmalara görə, Nearonov vatsap və feysbukdan deyil, Rusiyanın sosial media platforması olan VK və Teleqramdan istifadə edərək oyunun istifadəçiləri ilə əlaqə yaradıb.